A serata urganizata, sabbatu scorsu à u Rossini da a squadra di Petru Paoli hè stata una riesciuta maiò ch’ella sia à u nivellu spurtivu o di l’ambienza. Duie vittorie per l’atleti prufessiunali di u BCA eppo, d’una manera generale, una bella spressione di tutti i cumbattanti amatori…Una cunferma ch’issu sportu hè sempre arradicatu ind’è noi…
Un mondu scemu, un imbuscu maiò, dui cumbatti prufessiunali, una decina amatori, a serata di pugilatu appruntata sabbatu scorsu da u BCA hè stata à l’appuntamentu. Una festa maiò è u segnu chè issa disciplina stà, più chè mai, prisente in Corsica.Nantu à u spaziu di pugilatu, u spettaculu hè statu di sicuru, à l’appuntamentu. Cum’è sempre in issu genaru di disciplina, s’hè principiatu cù l’amatori. Ghjovani o più maiò anu mustratu tutte e so qualità. Ancu s’ùn anu micca vintu tutti.
Ma u fattu maiò d’issa serata fù i dui cumbatti prufessiunali. U primu mettia in scena u primu, à issu nivellu, di Rachid Azhour (categuria mezani), U zitellu di i Salini hà mustratu quì ch’ell’avia e capacità per andà luntanu. Una bella vittoria di fronte à u Russu Krasnu cù l’arrestu di l’arbitru in fine di a seconda ripresa. Da u so cantu, Dimitri Gourier (menu di settantottu chilò) hà battutu un altru russu, Lesins. Malgratu una duminazione larga durante tutte e riprese, l’atletu aiaccinu ùn hà pussutu vince nanzu à a fine. Un bellu spettaculu, quantunque, per un publicu ch’aspetta, avà, u prussimu
