Membri, tutti i dui di u BCA di Petru Paoli, i dui atleti aiaccini anu fattu onore à u pugilatu corsu issa dumenicata in Ohlain (vicinu à Lille), induve ci eranu i campiunati di Francia. S’ellu anu persu in finale, anu mustratu qualità interessante per a seguita di u so percorsu
U pugilatu corsu era à l’onore durante issa dumenicata in Ohlain, induve ci eranu e fase finale di i campiunati di Francia. Una cinquantena d’atleti eranu prisenti à issa manifestazione. Frà elli, Philippe Susini è Paul-Antoine Defranchi, dui ghjovani di u BCA. U primu avia dighjà participatu à una reunione, l’annu scorsu d’aprile. Per u secondu, era solu u so quartu cumbattu. Più tecnicu chè u so avversariu, Philippe Susini ùn hà pussutu truvà a suluzione vince di fronte à David Harutyunyan (BR Michelutti). « Era troppu vicinu o troppu luntanu di u so aversariu, spiega Petru Paoli, duru, in isse cundizione, di sperà megliu ancu s’ellu s’hè battutu bè. In più, Harutyunyan hè membre d’un pôle espoir… » Da u cantu, Paul-Antoine Defranchi, ch’avia vintu di manera larga a so meza finale, hà persu in finale di fronte à Tillie Tonarelli (BC A Stella, PACA). « Peccatu, aghjusta u capimachja di u BCA, chè Paulu Antò avia dighjà vintu iss’avversariu quì. L’hè mancatu forse, appena di sperienza. » Bona nutizia quantunque, u Direttore Tecnicu Naziunale hà rimarcatu u talente di Philippe Susini è l’hà cunvucatu per u staziu naziunale.
