Lauda Guidicelli: “Vulemu mustrà chè u sport serve d’esempiu”

0

Trè ghjorni dopu à a sintesa di i scontri di u sport, Lauda Guidiceli, cunsigliera esecutiva à l’origine d’issu prughjettu maiò, ci dà u so parè nantu à a situazione.

Chì pensate di a sintesa di i scontri di u sport?

Avemu avutu ottanta pruposte chì ghjunghjenu d’attori di u terrenu. Ghjè a prima volta ch’una cunsultazione và cusì luntanu per ciò chì tocca à a pulitica spurtiva. Per noi, hè una bona. Ma ùn hè ch’un primu passu. Stu travagliu s’hà da arrichisce à pocu à pocu. Avemu da ancu cercà à fà megliu.

A seguita?

ci vole à etablisce un calendariu à cortu andà di manera à mette in vale ste pruposte. Per sbuccà nantu à un regulamentu di l’aiuti, fruttu d’issa cunstruzzione fatta in cumunu nanzu à u meses di marzu. À tempu, avemu a vulintà di travaglià à longu andà nantu à prughjetti strutturanti per esse u più cumpletti pussibile è pudè avè arnesi per travaglià in cundizione bone.

L’imbasciadori scelti  si scrivenu in sta demarchja quì?

Sicura! hè un dispusitivu ch’aviu sceltu spartu da l’attori di u mondu spurtivu. Sette persone, ognunu in a so categuria, serà incaricatu di purtà i valori di u sport ma dinò d’arrimbassi nantu à u so percorsu per serve d’esempiu à più ghjovani. Ci sò prufili diferenti, da atleti d’altu nivellu à d’altri svantagiati passendu ancu per un ghjovanu arbitru. Hè impurtante, per noi, di mette in vale a nostra ghjuventù. u scopu hè di mustrà chè u sport si pò sparghje in a sucetà sana è serve d’esempiu.

 

Sparte

Dipusità unu cummentariu