Battuti in casa soia, da u Kremlin Bicêtre, l’Aiaccini anu più d’un pede in seconda divisione.
Cù u macciu Laval-Béthune rimessu è a scunfitta di Hérouville in casa soia di fronte à Toulò, l’Aiaccini anu una carta à ghjucà contru à squadra parrighjina. Andy Delort dà u primu calciu fittivu di partita. Malgratu iss’elementi quì, l’Aiaccini ùn riescenu micca à entre bè in u so macciu. peghju, ghjuchemu dapoi menu di quattru minute è Bicêtre vince dighjà dui à zero, duie realisazione di u so capitanu Hammad (2a è 3a), à mezu à una difesa chì manca di muvimente. Una caratteristica verificata qualchì minuta dopu quandu Zakehi mette una capata vittoriosa (9a). Peccatu chè l’ACA avia avutu, ghjustu nanzu, una bella occasione (Kelson troppu cortu…). I « bianchi è rossi » anu u meritu di reagisce. Per duie volte, semu vicini da a reduzzione di marca ma nè Soukouna chì perde a so sfida di fronte à u purtieru parrighjinu, nè Paoli troppu cortu dopu à un serviziu di Dottel, ponu marcà. U realisimu di i visitori parla. In contru, Bessa vene à batte à Menvoudidiot (14a). L’Aiaccini riescenu à marcà da Kelson (15a) è finiscenu più forte ma l’affare pare bella cumplicata per scambià u scenariu di a partita.
Subbitu dopu à a ripresa, Hammad (Bicêtre) è Soukouna (ACA) marcanu ciò chì face chè i « bianchi è rossi » anu sempre trè punti à rifà. Ind’un tempu forte, l’Aiaccini piglianu u ghjocu à contu soiu ma malgratu qualchì situazione pericolosa, ùn riescenu à marcà. Eppuru, piglianu tutti i risichi. L’avversariu prufittanu di i contri ma anu da fiascà duie volte davanti à David Menvouididiot. A terza serà a bona per Zakehi (28a). Quellu si chappa, qualchì mintutu dopu, una cartulina rossa. Subbitu in a cuntinuità, u purtieru avversu caccia dui stucci di Saïd (35a) è Dottel (38a). Malgratu tanti sforzi, a marca ùn scambia. Peghju, Hammad marca per a quarta volta in l’ultime seconde. Dedicesima scunfitta per l’Aiaccini chì s’avvicinanu, di più in più da a seconda divisione.
Sala di u Palatinu
ACA-Kremin Bicêtre 2-7 (1-4 )
Spettatori: 200 à pocu pressu
Arbitru: M. Lang
Realisazione:
ACA: Basilio (15a), Soukouna (22a)
Hammad (2a è 3a, 21a è 39a), Zakehi (9a è 28a) Bessa (14a),
Avertiti:
ACA: À l’iniziu
Menvouididiot- Saïd (cap.), Kelson, Dottel, Soukouna- Add: A. De Pietro
Kremlin Bicêtre: À l’iniziu
Soarez- Boulaye, Hammad (cap.), Bohli, Zakehi-ent: M. Martinez
