Ghjè qualcosa di strasordinariu ch’ellu hà riesciutu u Gazelec, sabbatu scorsu in u Palatinu di focu di fronte à Chaumont. Una di e squadre maiò di u campiunatu, vice campione di Francia, campione 2017 è quartu di finalistu di a Lega di i campione quest’annu. Una perfurmanza maiò per l’omi di Fred Ferrandez ch’anu avutu a capacità à mettesi à u nivellu di u so avversariu chì, puru, era abbastanza forte, masimu à u serviziu è in recezzione. In fine, una bella vittoria è u sonniu d’andà più luntanu chì cuntinueghja. L’occasione, per l’addestrad
ore aiaccinu, di fà u puntu.
Un maccione di u GFCA sabbatu di fronte à Chaumont?
Avemu suffertu tuttu a partita. Avianu una qualità di serviziu maiò è dinò una recezzione abbastanza forte. Ci vulia à accettà issa suprana quì per pudè vultà in i i mumenti induve eranu, elli, più debuli. Avemu fattu a diferenza in ogni fine di partita.
Une bona per entre in play-offs?
Avemu pigliatu cunfidenza ma dinò una certa sperienza. Cunniscimu e nostre qualità, i nostri difetti. Ci sò, avà, quindeci ghjorni per travaglià a seconda fasa di u campiunatu. Sperendu di cuntinuà in u listessu filu.
Deci vittorie di fila per u GFCA. Comu si pò spiegà?
Semu in u filu di a seconda parte di a stagione. Avemu campatu una prima parte abbastanza difficiule. Avemu suffertu. Tuttu u mondu s’hè rimessu in questione eppo avemu travagliatu. È u travagliu paca sempre.Ci hè statu una cuscenza cullettiva maiò per ghjunghje, oghje, à issu resultatu.
U GFCA quattru volte in in mezu finale di u campiunatu. Si pò sperà megliu sta volta?
Questu annu, semu capaci di tuttu.
