Arnau Baque Roig, l’avucatu spagnolu, annunzia stu mercuriu u 23 di lugliu ch’ellu si ritira da u prughjettu di ripresa di l’AC Aiacciu. Assente à a cunferenza di stampa urganizata da i dirigenti aiaccini, u lindumane di a decisione di a DNCG di retrogradà u club in Naziunale 1, ellu spiega in particulare ch’ellu « si ritira à causa di a mancanza di fiducia mustrata da i dirigenti attuali di l’ACA è di i disaccordi impurtanti accaduti trà e parte da l’8 di lugliu 2025 ».
Senza grande sorpresa, Arnau Baqué Roig, l’avucatu spagnolu annunziatu com’è futuru cumpradore di l’AC Aiacciu, hà messu fine à ogni suspense stu mercuri dopu meziornu, annunziendu ufficialmente u so ritiru da u prughjettu di ripresa di u club aiaccinu :
« Vi vogliu fà sapè ch’e sò custrettu à ritirà mi à causa di a mancanza di fiducia espressa da i dirigenti attuali di l’ACA è di i disaccordi impurtanti ch’anu vistu u ghjornu trà e parte à partesi da l’8 di lugliu 2025. Duranti tuttu u prucessu, a trasparenza è a chjarità sò mancati per pudè cummencià u travagliu difficiule di redrezzà una situazione finanziaria estremamente delicata.
L’aggravamentu cuntinuu di a situazione di l’ACA dapoi l’iniziu di e negoziazioni, cù un debitu chì ùn face chè cresce, hà ancu più cumplicatu e cose.
Dat’a l’urgenza, aghju prupostu, in l’ultima ora, d’aumentà u mo impegnu persunale è finanziariu sin’à trè volte di più chè l’offerta iniziale.
Ùn possu dunque cuntinuà à impegnammi in un prughjettu induve e cundizione minime di fiducia ùn sò micca riunite o sò state messe in dubbitu publicamente, in particulare dapoi a cunferenza di stampa urganizata à u Club u 16 di lugliu 2025, induve si hè fattu a scelta di mancà mi di rispettu è di cumincià à mettemi in accusa per una situazione di a quale ùn sò in alcun modu rispunsevule. »
Cume l’hà dichjaratu u direttore finanziariu di l’ACA, u debitu di u club aiaccinu saria avà superiore à 13 milioni d’euri.
Assente durante a cunferenza di stampa tenuta da i dirigenti di l’AC Aiacciu, u ritiru di l’avucatu ùn hè micca una sorpresa, quantunque Alain Orsoni, presidente di a Holding, avia digià annunziatu a nutizia à i sustenidori a sera nanzu, in riunione.
« Cumu l’aghju dettu, dapoi l’8 di lugliu 2025, a direzzione attuale di l’ACA hà decisu — una scelta ch’e rispettu, ancu sì ùn sò d’accordu — d’alluntanassi da a linea cumuna chì aviamu seguitu sin’à tandu, è di cuntinuà cù a FFF sott’à e garanzie ch’ella cunsidereghja adattate, escludendu cusì a mo participazione attiva è quella di a mo squadra.
Malgradu a mo delusione di fronte à ste cundizione, aghju vulsutu mantene ferma a mo vulintà d’accompagnà u club sin’à a fine, è di sustene lu fin’à l’appellu davanti à a FFF, chì s’hè tenutu u 15 lugliu in Parigi, cù a speranza ch’ellu avissi un sboccu pusitivu. »
Avà tocca à i dirigenti aiaccini, chì anu ricevutu i motivi di a decisione da parte di a DNCG, di truvà un pianu B per pruvà à salvà u club.
In primu locu, anu da ricorre à u CNOSF, cù a speranza di turnà davanti à u Comex di a FFF per pruvà à mantene a so piazza in Ligue 2, ma ci vulerà ancu — è sopratuttu — preparà un buggettu solidu per u Naziunale 1, ciò chì hè luntanu d’esse assicuratu dopu à u ritiru d’Arnau Baqué Roig.
« Sò prufundamente afflittu da a situazione attuale di l’ACA, fruttu d’una seria di cundizione chì ùn tocca à mè di ghjudicà, ma chì ognunu puderà analizà com’ellu crede ghjustu. Spergu cun tutta l’anima ch’ellu riesca à francà stu mumentu criticu è chì a so storia centenaria possa celebrà parechji anniversarii, cuntinuendu à fà brilla sta isula maravigliosa ch’ella hè a Corsica. »
cusì hà cunclusu, cù tristu maestria, l’avucatu catalanu in u so messagiu d’addiu.
