U ghjucadore di squash d’Isula Rossa, campione di Francia è d’Auropa (menu di i tredeci anni) participava, issa dumenicata, à u British Junior di Birmingham. Una ghjustra internaziunale assai famosa per a so categuria. Dopu à un bellu Percorsu, hà persu in mezu finale di fronte à l’Inglese Eissa…
À l’alba di l’annu novu chì li pudaria permette di francà un altru passu ver di l’alte cime spurtive, Antò Romieu, u famosu ghjucadore di squash balaninu, participava, issa dumenicata, in Birmingham, à a ghjustra internaziunale a più famosa di a so categuria. À mezu à ciò chì si face di megliu in a disciplina. Ed eranu ghjunti di tutti i paesi di u mondu (Stati Uniti, Nova Zelanda, Malesia, Pachistanu…), settecentu participanti in tuttu. Antonin Romieu era u solu à riprisintà a Francia. U zitellu hà fattu un percorsu strasordinariu, cù vittorie di fronte à l’Inglese Maskel, l’Egizzianu Sarhan, ch’avia persu in a ghjustra internaziunale di Scozzia, u Ceccu Stepan, è, in quartu di finale, l’Egizzianu Zakaran, unu di i più forte attualmente di a so categuria. In fine, Antò hà persu in mezu finale di fronte à un altru Inglese, Eissa, chì d’altronde, vincerà a ghjustra. È micca medaglia per Antò, battutu per u bronzu da l’Indianu Wadhwani. Un bellu percorsu quantunque per u Balaninu, masimu ind’u a ghjustra chì s’assumiglia à i campiunati di u mondu…
Ultime Nutizie
- Senza i soldi attesi, u GFCA Volley versu a cessazione di pagamentu ?
- SC Bastia : u club ricorre à a FIFA dopu à ritardi di pagamentu da parte di Trabzonspor per u trasferimentu d’Oulai
- Laurent Peyrelade, novu allenatore di u SC Bastia
- Football U16. A Squadra Corsa vince a Beranu Cup
- Philippe Diallo, presidente di FFF in Aiacciu : « A Corsica hà sempre a so piazza in u football prufessiunale francese »
- Olivier Pantaloni favuritu per succede à Pierre Sage
- « A Corsica merita una piscina di 50 metri » stima Gilles Sézionale, presidente di a Federazione Francese di Nutera
- Natatione : a ghjuventù corsa splende à i Campiunati di Francia Juniors





