Aiacciu capitale mundiale di u Futevolei !

0

downloadL’associu « Aiacciu Futevolei », in leia cù a municipalità, urganizeghja tutta a dumenicata, una cumpetizione internaziunale maiò. Vinti squadre di dui ghjucadori ghjunte da quattordeci paesi, ci danu appuntamentu nantu à a piazza Miot !

U futevolei è a cità Imperiale viaghjanu manu in manu dapoi dighjà parechji anni. Ùn si contanu più i ghjucadori in tutta l’isula –ma sopratuttu cuncentrati in Aiacciu, u circondu, Carghjese è Piana- è dinò e manifestazione maiò. Frà elle, u mundiale di Futevolei in Aiacciu, urganizatu dapoi qualchì annu da a squadra di Philippe Caviglioli (Associu Aiacciu Futevolei) aiutatu da Franck Dubernet (chì riprisente a merria). Tandu, ci danu appuntamentu tutta a dumenicata per una cumpetizione maiò induve ci seranu vinti squadre ghjunte da quattordeci paesi : Brasile, Paraguai, Argentina, Stati Uniti, Purtugallu, Spagna, Francia, Corsica, Italia, Austria, Germania, Ollanda, Israele…Avemu da ritruvà à i doppii Vinicius-Parana (ch’avianu vintu l’annu scorsu), I Purtughesi, campione d’Auropa in u 2017 o a Spagna, in corsa per vince questu annu. A piazza Miot hè diventata un terrenu di Futevolei cù a so tribuna di 600 piazze, a rena, a rete. Dopu à un’iniziazione per i ghjovani di i quartieri stu vennari, è un umagiu à Jef Exiga, a cumpetizione pò principià. Cù un « cumpare » chjamatu…Marcelo. U difensore di u Real Madrid pudaria esse prisente dumenica. Aspettendu, primi scambii. Bellu spettaculu da vene…

Sparte

Dipusità unu cummentariu