L’AC Aiacciu riceve u Paris FC sta sera in Timizolu. L’occasione, in fine, di firmà a so prima vittoria in casa soia.
Diciassettesimu di a cla
ssifica, à parità cù Orléans (4 punti), l’ACA hè avà è dopu à un primu mese di campiunatu abbastanza debule (un puntu nantu à nove in casa soia è una sola vittoria fora), custrettu di reasgisce. I prussimi avversarii ùn sò, di sicuru, squadre maiò di a Lega duie ma ogni scontru t’hà a so verità è u so scenariu. Saria dunque un sbagliu maiò di pinsà ch’ellu hè più faciule di ghjucà u PFC chè Lorient o Metz. Masimu ch’è u gruppu di l’addestratore aiaccinu dubbiteghja monda dapoi l’iniziu di a stagione. Una stagione chì, à dilla franca, ùn hè ancu principiata per i « bianch’è rossu » chì t’anu sempre in capu u magnificu percorsu di l’annu scorsu. U gruppu aiaccinu, guasgi à u cumplettu per riceve sta sera, u Paris FC in Timizolu hà travagliatu durante duie settimane per truvà e soluzione ch’anu da, à pocu à pocu, permette di creà una dinamica pusitiva…
