U GFCA in Naziunale dopu à un scenariu calamitosu…

0

U Gazelec ghjucherà in u campiunatu naziunale a stagione chì vene. Dopu à un’ultima scunfitta eri
sera di fronte à Le Mans (2-0), à l’ultima seconda di a partita. Eppuru, u Gaz n’hà avutu occasione
per mettesi à l’agrottu è ancu un penalti in u tempu in più.
Ci sò macci chì lascianu tracie sculpite in a mente è chì piglier34381909-31424724anu tempu per sguassà si. Stu
GFCA-Le Mans d’issa dumenica ne face, per disgrazia, parte. Un scenariu tremende chì face male è
chì vede i Rossi è Turchini lascià u mondu prufessiunale induve elli campavanu dapoi u 2013 è un
percorsu tamantu…
Tutti i più belli sogni è stu passatu in Lega 1 è dinò in Lega 2 si ne partenu dopu un ultimu macciu di
fronte à Le Mans. Eppuru, u Gaz s’era resu u travagliu più faciule cù a so vittoria 2-1 à u
MMArena marti. Bastava à cunfirmà è gestisce iss’avanza quì. Forse à l’usu d’una stagione
periculosa induve serà passata da u caldu à u fretu masimu in casa soia (10 scunfitte), a squadra
aiaccina si serà data da per ella u bastò per fà si minà. Per, in fine, ghjucà u so avvene nantu à novanta minute. È ancu quì, nulla ùn hà viaghjatu. Un’entrata timida, qualchì occasione ma pocu affare ind’un macciu induve ci vulia  entre cum’è in cuppa, à l’epica gloriosa di u Gaz. Per soffre sin’à a fine, è masimu quandu Le Mans hà marcatu. A seguita,  qualchì situazione male ghjucate à a fine , un penalti mancatu in u tempu in più è appena di a sperienza ch’elli avianu avutu marti, per tene u resultatu quindeci seconde. Per compie dopu à un scenariu forse u più crudele di a storia di u GFCA : una realisazione di Le Mans à l’ultimu mumentu…
Capi calati, ochji lacrimosi, parsone mute, ghjucadori allungati nantu à u terrenu, eccu ciò chì s’hè
vistu dopu à u macciu. È comu s’è l’aspettu spurtivu ùn bastava micca, i sustenitori sò ghjunti à
mette una piulata in più cù viulenza contru à trenta sustenitori di Le Mans. A storia hà da ritene chè u
Gazelec ghjucherà in Naziunale a stagione chì vene. Un scumpientu spurtivu mai dinò per tutti
quelli chì tenenu caruissa squadra, chì t’anu u core rossu è turchini, un colpu per l’evoluzione di u
club, i ghjovani, a furmazione…
Ma com’elliç diceni tutti : « Ùn more à chì cumbatte ». Speremu chè u GFCA ritruverà a so fiara
antica per rimbumbà. Ma piglierà tempu…

Sparte

Dipusità unu cummentariu