Sessantaduiesimu Giru di Corsica : Thierry Neuville à a fine

0

 

U Pilotu belgiu hà vintu a sessantuiesima edizione di u Giru di Corsica dopu avè prufitatu d’una gomma sfiuzzata à a fine di u percorsu di Eflyn Evans, chì puru, avia piglatu a suprana nantu à tuttu u mondu. Di colpu, Neuville piglia u capu di a classifica di u campiunatu di u mondu…

S’è l’ultime edizione di u Giru di Corsica, à l’epica di a suprana di Loeb o quella d’Ogier, eranu guasgi ghjucate nanzu à a prima prova speciale, quella di u 2019 ci hà messu qualchì supresa nantu à strada. Prima di tuttu, s’aspettava à u pilotu estunianu Ott Tänak, masimu ch’ellu era à u capu di a classifica, aspettavamu dFlashinfoES132019_TourdeCorseinò à Ogier, specialistu nantu à u catramu è chì stava nantu à duie vittorie di fila (Monte Carlu è Messicu) eppo, in fine, ci hè statu qualchì surpresa. À u vulente di a so Ford, Elfyn Evans, avia messu tuttu u mondu d’accordu dopu à, solu un ghjornu di corsa. Pigliendu u capu di a classifica generale. Eppo, ancu s’è Neuville era, frà tempu, ghjuntu à piglià a suprana di qualchì seconda (quattru), u pilotu gallese era davanti à una vintena di chilometri di Calvi. Ci hè vulsutu una gomma sfiuzzata per vedelu perde a vittoria. È dà la à Thierry Neuville c’ùn aspettava micca tantu. Prima vittoria, questu annu per u pilotu belgiu chì, à listessu tempu, si piglia u capu di a classifica. Assai  in daretu è appena furtunatu, Ogier piglia a seconda piazza di u Giru davanti à Evans. Inde l’amatori, ghjè Olivier Capannaccia chì vince. Un’edizione cù assai incertezza chì hà tenutu tuttu u mondu…I piloti, elli si ne sò andati ch’elli t’anu u prussimu rallì in Argentina à appruntà (da u 25 à u 28 d’aprile)…Per noi altri corsi, fermanu assai ricordi. È s’aspetta a prussima edizione…

Sparte

Dipusità unu cummentariu