, Matteo è Lisandru Tramoni in u Calciu!

0

 

 

Dopu à un imbrogliu di qualchì settimana, l’ACA à a squadra taliana di u Cagliari anu trovu un accordu per u transferimentu di  Matteo Tramoni (20 anni di dicembre) è u si fratellu Lisandru (17 anni è mezu). U primu hà zifratu un cuntratu di cinque anni, è trè per u più ghjovanu. Matteo hè statu messu à a dispusizione di a squadra Una, Lisandru, ellu, ghjucherà cù a “Primavera” (squadra riserva).  

Hè a fine di a sturietta di l’estatina in Aiacciu. À tempu à a so ripresa, l’ACA aspettava l’avvene di i so dui ghjovani, Matteo è Lisandru Tramoni, dighjà in cuntattu cù squadre di Lega una iss’estate.  Ma è ancu di manera ufficiale, i Taliani dui u Cagliari avianu fattu valè u so intaressu per i dui fratelli. Ma l’affare durava è durava… Cusì, u tempu hè passata è ùn si passava nulla. Tandu, Olivier Pantaloni avia chjamatu à i Tramoni, pertuti, per ch’elli vultessenu à intrenà si cù u gruppu prufessiuale. Matteo avia ancu ghjucatu in Caen u 29 d’aostu scorsu. Finalmente, l’affare s’hè accunciatu bè postu chè i dui ghjucadori anu zifratu in Cagliari a settimana scorsa. Cinque anni per Matteo, messu subbitu à a dispusizione di a squadra prufessiunale, è trè per u  so fratellucciu, chì hà da ghjucà cù a “Primavera” (squadra riserva). Un passu novu da francà per i dui Tramoni, masimu in un campiunatu monda rinumatu induve devenu fà a so strada…

 

 

Sparte

Dipusità unu cummentariu