L’ACA in Naziunale Una!

0

Dopu à u so passaghju, issu marti davanti à i gendarmu di u ghjocu à ballò francese, l’ACA hè statu, torna una volta mandatu in Naziunale Una. I dirigenti aiaccini anu annuciatu, per via d’un cummunicatu nantu à u so situ, ch’ellu facianu appellu d’issa decisione.e7da0

Ùn mese attempatu ùn bastava micca per l’ACA, dighjà passatu davanti à a DNCG u 28 di maghju scorsu. I dirigenti avianu tandu, guasgi un mese per pruduce i ducumenti chì li permettianu di riparte in Lega 2 di lugliu. Dopu à un secondu passaghju davanti à u gendarmu di u ghjocu à ballò francese, a sintenza di dicembre scorsu hè stata cunfermata è l’ACA mandatu in Naziunale Una per l’annu chì vene. Léon Luciani, u presidente “biancu è rossu” hà annunciatu ch’ellu faria appellu d’issa decisione: “Malgratu i ducumenti prisentati, masimu certe garantie, ùn bastava micca. Avemu da fà, di sicuru, appellu è appruntà un secondu passaghju davanti à a DNCG. Avemu cunfidenze quantunque”. Da u so cantu, Alain Orsoni, u vice presidente “biancu è rossu” hà annunciatu chè “malgratu  un ingaghjamentu bancariu nantu à un imprestu di 3,5 milioni d’auri liatu à i diritti TV è un ingaghjamentu di leasing di 3,5 milioni pigliati nantu à u fundariu, a DNCG ci manda in Naziunale Una. Avemu da ripassà. Hè dura ma ùn lenteremu nulla”.

Dopu à Nancy è Sochaux, l’ACA hà pocu tempu par appruntà un altru passaghju davanti à a DNCG. Un fattu chì si passa à mezu à a ripresa di i ghjucadori è chì hà da cuntrarià a preparazione di a stagione…

Sparte

Dipusità unu cummentariu